ओली देउवा भेटपछि बालुवाटारमा प्रचण्डसहित तीन नेताको छलफल

१२ वैशाख २०७७, काठमाडौं

सत्तारूढ नेपाल कम्युनिष्ट पार्टी (नेकपा)का अध्यक्षद्वय प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल र प्रमुख प्रतिपक्षी दल नेपाली कांग्रेसका सभापति शेरबहादुर देउवाबीच बालुवाटारमा भेटघाट भएको छ ।

प्रधानमन्त्री ओलीका प्रेस सल्लाहकार सूर्य थापाका अनुसार उनीहरुबीच देशको समसामयिक विषयमा छलफल भएको छ । ‘

यसअघि प्रधानमन्त्री ओली र कांग्रेस सभापति देउवाबीच एक्लाएक्लै वार्ता भएको थियो । उनीहरूबीच दिउँसो ३ देखि ४ बजेसम्म १ घण्टा कुराकानी भएके थियो ।

सोमबार राष्ट्रपतिले जारी गरेका दुई अध्यादेश फिर्ता लिने निर्णय गरेसँगै प्रधानमन्त्री ओलीले विपक्षी दलका नेता र आफ्नै पार्टीका अर्का अध्यक्षसँग छलफल गरेका हुन् ।

|तस्वीरमा बालुवाटारमा तीन नेता। श्रोतः प्रधानमन्त्रीका स्वकीय सचिवालय|