१४ बैशाख २०७७, काठमाडौँ
पछिल्लो समयमा नेपालीहरुको सहभागिता नेपाली मात्र नभएर विदेशी रियालिटी शो हरुमा पनि बढ्दो छ । केहीबर्षदेखि धेरै नेपालका कलाकार भारत, अमेरिका, बेलायत लगायतका ठूला देशहरुका रियालिटी शो मा सहभागि भएर राम्रो नाम कमाउन सफल भएका छन् ।
केहीसमय अघिमात्र अमेरिकन आइडलमा तहल्का मच्चाएका दिवेश पोखरेलपछि यतिबेला बेलायती रियालिटी शो मा सहभागी भएका नेपालका भीम निरौलाले तहल्का पिटिरहेका छन् ।
भीम बेलायती रियालिटी शो ब्रिटेन गट ट्यालेन्ट मा सहभागी भएका थिए । शोमा उनले आफ्नो सबैभन्दा चर्चित गीत ‘सन्डे मार्निङ लभ यू’ नै गाए ।
जजहरुले तपाई कुन गीत गाउनुहुन्छ भन्दा भीमले श्रीमतीका लागि लेखेको गीत गाएर सुनाउँछु भनेका थिए । त्यसपछि उनले गीत गाउन शुरु गरे । उनले गीत गाउन शुरु गरेको एकैछिनमा एक जज साइमन कोवेलले असहमतिको बजर दबाए तर अन्य जजहरुले भने रमाइलो मान्दै भीमलाई साथ दिएका थिए । भीमले पनि आत्मविश्वासका साथ आफ्नो प्रस्तुति पेस गरे । उनले धक नमानी मज्जाले गीत गाए । साथै उनि शोको अर्को चरणको लागि पनि छनोट भएका छन् ।
