नेपाली नायिका रिश्ता बस्नेतको अभिनय रहेको पहिलो हिन्दी गीतको टिजर रिलिज

१४ बैशाख २०७७, काठमाडौँ

आजभोली भारतीय गीतहरुमा नेपाली कलाकारको उपस्थिति बढ्दो छ । नायिका अदिती बुढाथोकी, जेनिशा केसी लगायतले भारतीय गीतमा काम गरिसकेका छन् । यसैबिच नायिका रिश्मा बस्नेतले पहिलो पटक काम गरेको हिन्दी गीतको टिजर भर्खरै रिलिज भएको छ ।

भिडियोमा रिश्तालाई भारतीय चर्चित टिकटक स्टार तथा मोडल मन्जुल खट्टरसँग देख्न सकिन्छ । उक्त गीतको छायांकन नेपालमै भएको छ । गीतको छायांकनको लागि मन्जुल केहीसमय अघि नेपाल पनि आएका थिए ।

उक्त गीतलाई नेपाली छायांकर पुरुषोत्तम प्रधानले खिचेका हुन् भने गीतलाई नेपाली नै कोरियोग्राफर कमल राईले निर्देशन गरेका हुन् । गीतमा ज्योतिका तंगरी  र  कार्तिक कुशको स्वरमा तथा संजिव पांडेको शब्द रहेको छ ।

गीत अब २ दिनपछि रिलिज हुने बताइएको छ ।