१५ बैशाख २०७७, काठमाडौँ
लकडाउनका कारण मानिसको भरमा बाच्ने जनावरहरुको बिजोग भएको छ । अहिले सबै मानिसहरु घरमा छन् तर सडकमा जनावरहरुको बेहाल भएको छ । यस्तोमा केहि कलाकारहरुले जनावहरुलाई खाना पनि खुवाएका छन् ।
चर्चित हाँस्यकलाकार सागर लम्साल (बले) ले भने सडकमा अलपत्र परेको सानो कुकुरलाई घरमा ल्याएका छन् । सागर सधैँको लागि पाल्नको लागि कुकुरलाई घरमा ल्याएका हुन् ।
उनले आफूलाई कुकुर पाल्ने रहर पहिलेदेखि नै भएकाले कुकुर किन्ने सोच बनाइरहेको बेला सडकमा अलपत्र परेको सानो कुकुरलाई देखेपछि उसैलाई साहारा दिने सोचले कुकुरलाई घरमै ल्याएको बताए ।
सागर मान्छेहरुलाई कुकुर नकिन्न आग्रह गर्छन् । उनले भने, ‘आखिर कुकुर त जहाँको भए पनि कुकुर नै हो । बरु तपाईले किनेर पाल्ने सट्टा सडकमा भएको कुकुरलाई पाल्नुस् । धर्म पनि हुन्छ, कुकुर पाल्ने रहर पनि पूरा हुन्छ ।’
