१५ बैशाख २०७७, काठमाडौँ
पवनकली शो दर्शकले निकै नै रुचाएको शो हो । उक्त शो बाट पवनकली अर्थात् लुनिभा तुलाधरले आफ्नो बेग्लै पहिचान बनाउन सफल भइन् । अहिले उनको डिमाण्ड फिल्म क्षेत्रमा पनि बढ्दै गएको छ ।
यस्तै बन्द भैसकेको पवनकली शो पुनः सुरु भएको छ । पवनकली को युट्युब च्यानलमार्फत कोरोना भाइरस विरुद्ध केन्द्रित रहेर पवनकली शो फेरि सुरु भएको हो ।
यस शो मा कोरोनाविरुद्ध बालबालिकालाई सचेत गराउनुका साथै यसबाट बच्ने उपायहरु बारे पनि बताइन्छ । शो चेतनामूलक सँगै मनोरञ्जनात्मक पनि हुने बताइएको छ ।
सेभ द चिल्ड्रेन, स्वास्थ्य तथा जनसंख्या मन्त्रालय, राष्ट्रिय स्वास्थ्य शिक्षा सूचना तथा सञ्चार केन्द्रसँगको सहकार्यमा पवनकली शो प्रशारणमा आएको हो ।
पवनकली शो कार्यक्रम अब हरेक आइतबार बिहान ७ः१५ देखि ७ः३० सम्म सामुदायिक सूचना नेटवर्क ९सीआईएन० मार्फत देशैभरिका सामुदायिक रेडियो, युट्युब र सामाजिक सञ्जालबाट प्रसारण हुने सेभ द चिल्ड्रेनका कम्युनिकेसन म्यानेजर आयुष श्रेष्ठले जानकारी दिए ।
