भारतीय अभिनेत्री प्रणीताले ७५ हजार गरिबलाई खुवाइन् खाना

१६ बैशाख २०७७, काठमाडौँ

प्रणीता सुभाष चर्चित दक्षिण भारतीय अभिनेत्री हुन् । उनले केही दक्षिण भारतीय चलचित्रमा काम गरिसकेकी छन् भने अब हंगामा २ मार्फत बलिउडमा पनि डेब्यु गर्दैछिन् ।

उनै नायिका प्रणीताले कोरोनाका कारण समस्यामा परेका गरिबहरुलाई खाना खुवाएकी छिन् । प्रणीताले २१ दिनमा ७५ हजार बढीलाई खाना खुवाएकी छिन् । उनले केही तस्बिरहरु सामाजिक सञ्जालमा सेयर गरेकी छिन् ।

यतिबेला दर्शकले प्रणीताको निकै नै तारिफ गरिरहेका छन् । प्रणीताले पनि यसरी समस्यामा परेकाहरुको सहयोग गर्न पाउँदा निकै नै खुसी लागेको बताएकी छिन् । केहि अघि उनि खाद्दान्न बाँड्ने र फन्ड जम्मा गर्ने काममा पनि सक्रिय थिईन् ।