१७ बैशाख २०७७, काठमाडौं
चीनको वुहानबाट शुरु भएको कोरोनाको संक्रमण अहिले विश्वव्यापी महामारीको रुपमा फैलिएको छ । यसको तीव्र संक्रमण अमेरिकामा छ ।
अमेरिकामा पछिल्लो २४ घण्टामा २ हजार ४ सय २९ जनाले ज्यान गुमाएसँगै मृत्यु हुनेको संख्या ५९ हजार २ सय २५ बढी पुगेको छ । अस्ती १ हजार १ सय ४० जना बढीले ज्यान गुमाएका थिए, त्यस्तै हिजो १ हजार २ सय ३६ जनाले बढीले ज्यान गुमाएका थिए । आजको तुलनामा हिजो र अस्तीको मृत्यु निकै कम हो ।
एकैदिन २४ हजार ८ सय ८४ जना बढीमा संक्रमण देखिएसँगै संक्रमित हुनेको संख्या १० लाख ३५ हजार २ सय ४० बढी पुगेको छ । संक्रमितमध्ये १५ हजार ६ सय ३५ जनाको अवस्था गम्भीर रहेको छ भने १ लाख ४१ हजार ९ सय ७ जना संक्रमित उपचारपछि निको भएका छन् ।
