पूजालाई जन्मदिनको शुभकामना दिदैँ आकाशले भने, ‘पूजा र म बीच साथी-साथीको प्रेम छ’

१७ बैशाख २०७७, काठमाडौँ

आज नायिका पूजा शर्माको जन्मदिन हो । उनलाई सामाजिक सञ्जालमा उनका फ्यानले जन्मदिनको शुभकामना दिइरहेका छन् । यस्तै आकाशको मिल्ने साथी अभिनेता आकाश श्रेष्ठले पनि पूजालाई जन्मदिनको शुभकामना दिएका छन् ।

आकाश र पूजाले पहिलो पटक चलचित्र रामकहानीमा एकसाथ काम गरेका थिए । त्यहिँदेखि नै यी दुईको प्रेमको चर्चा सुरु भएको थियो । तर दुवैले एकअर्कालाई मिल्ने साथी मात्र भएको बताउँदै आएका छन् ।

आकाशले पूजालाई जन्मदिनको शुभकामना दिदैँ लेखेका छन्, ‘हामीलाई दर्शकहरुले निकै मन पराउनुभएको छ । त्यसैले पनि नाम जोडिएको हुनसक्छ । हामी एक अर्कालाई काममा साथ दिन्छौँ । तर, प्रेम सम्बन्ध नै छ भन्ने होइन । हामीमा साथी साथीमा हुने प्रेम छ ।’