इरफानको अन्तिम संस्कारमा २० जना मात्र जाने, बलिउडका कोही कलाकार हुने छैनन् सामेल

१७ बैशाख २०७७, काठमाडौँ

बलिउडका निकै चर्चित अभिनेता इरफान खानको आज निधन भएको छ । उनको अन्तिम संस्कार आज साँझ ५ बजे गरिने बताइएको छ ।

इरफानको अन्तिम संस्कारमा बलिउडका कोहीपनि सेलिब्रेटी उपस्थित हुने छैनन् । कोरोनाका कारण उनको अन्तिम संस्कारमा उनका परिवार र नजिकका केही साथीमात्र जानेछन् ।

उनको अन्तिम संस्कार प्रहरीको निगरानीमा गरिने बताइएको छ । ५४ बर्षिया इरफानलाई केही समयदेखि न्यूरोइन्डोक्राइन भएको थियो ।

बलिउड मिडियामा उल्लेख भए अनुसार उनको लासलाई अंधेरीको यारी रोड, वर्सोवा क्रिबिस्तानमा राखिनेछ ।