१९ बैशाख २०७७, काठमाडौँ
आज चर्चित नायिका सञ्चिता लुईटेलको जन्मदिन रहेको छ । देशभर लकडाउन भएकाले सञ्चिता पनि आफ्नो परिवारसँग घरमै समय बिताइरहेकी छिन् ।
घरमै भएका कारण यसपटक उनको जन्मदिन खासै विशेष भएन । तर सामाजिक सञ्जालमा भने सञ्चितालाई फ्यानले जन्मदिनको शुभकामना दिइरहेका छन् ।
आज पनि उनलाई दर्शकहरूले ‘अप्सरा’ नामले चिन्छन् । नायिका लुइँटेलले चलचित्र ‘माया त माया हो’मा काम गर्दै गर्दा नायक निखिल उप्रेतीसँग बिहे गरेकी थिइन् ।
त्यसपछि भने उनको करिअर खासै सुखद बनेको छैन । बिहे गरेर ५ बर्ष मुम्बई बसेर नेपाल फर्किएपछि निखिल र संचिता दुवैले चलचित्रमा काम त गरेका छन् । तर, दुवैलाई अपेक्षित सफलता भने मिलेको छैन ।
हाम्रो तर्फबाट पनि सञ्चितालाई जन्मदिनको धेरै धेरै शुभकामना ।
