‘छक्का पञ्जा ४’ को काम स्थगित, नयाँ टिमसँग मिलेर चलचित्र बनाउने तयारीमा दिपक

१९ बैशाख २०७७, काठमाडौँ

दिपकराज गिरी लगायतको टिमले आउँदो दशैँमा चलचित्र छक्का पञ्जा ४ रिलिजमा ल्याउने बताएको थियो । तर लकडाउनका कारण अहिलेसम्म चलचित्रको स्क्रिप्ट लेख्ने काम पनि सकिएको छैन ।

जसका कारण आउँदो दशैँमा छक्का पञ्जा ४ रिलिजमा नआउने भएको छ । दिपकले लकडाउनकै कारण छक्का पञ्जा ४ को काम स्थगित गरिएको जानकारी दिएका छन् ।

छक्का पञ्जा ४ भन्दा पहिले अर्कै टिमसँग मिलेर दिपकको टिमले अर्कै चलचित्रमा काम गर्ने भएको छ । उनले भने–‘छक्का पन्जा ४ को कथा ठूलो क्यानभासमा निर्माण गर्नुपर्ने हुन्छ । यसपटक ३ करोड हाराहारीको लगानी छ । त्यसैले पनि ओभरसिज र नेपालकै बजार पनि कमजोर भएको अवस्थामा चलचित्र बनाउने निर्णय सही हुने देखेनौँ ।’