२१ बैशाख २०७७, काठमाडौं
विश्वव्यापी महामारीको रुपमा फैलिएको कोरोना भाइरसको संक्रमण बेलायतमा पनि तीव्र रुपमा देखिएको छ । पछिल्लो २४ घण्टामा अमेरिकापछि बेलायतमा धेरैले ज्यान गुमाएका छन् ।
पछिल्लो २४ घण्टामा अमेरिकामा १ हजार ६९१ जनाले ज्यान गुमाएका थिए भने बेलायतमा ६२१ जनाले ज्यान गुमाएका छन् ।
बेलायतमा पछिल्लो २४ घण्टामा ६२१ जनाले ज्यान गुमाएसँगै मृत्यु हुनेको संख्या २८ हजार १३१ पुगेको छ ।
बेलायतमा एकैदिन ४ हजार ८०६ जनामा संक्रमण देखिएसँगै संक्रमित हुनेको संख्या १ लाख ८२ हजार २६० पुगेको छ ।
