२१ बैशाख २०७७, काठमाडौँ
कोरोनाका कारण समस्यामा परेकाहरुलाई अभिनेता आमिर खानले निकै ठूलो सहयोग गरेका छन् ।
आमिर खानले मध्य रातमा मुम्बइको गरिव वस्तिमा एक ट्रक आटा लगेर सुचना दिए कि जसलाई अभाव छ उसले जम्मा एक किलो मात्र आटा पाउने छ ।
जाबो १ किलो आटा लिन मात्र को जान्छ भनेर त्यति धेरै मानिस आटा लिन नै गएनन् । तर जसलाई आटाको एकदम जरुरत थियो । उनीहरु भने आटा लिन गए ।
आटाको प्याकेट घरमा ल्याएर खोल्दा सबै छक्क परे । किनकी आटाको प्याकेटभित्र १५ हजार भारु थियो । आमिरले जस्तो गज्जबको उपाय कसैले पनि लगाएका थिएनन् ।
पहिले नै यति पैसा बाँडिदैछ भनेर सुचना दिएको भए सबै जना लाइन बस्थे होला१ बाहिरबाट आफ़न्तहरु बोलाएर पनि थाप्थे होला ।
तर यस तरिकाले जोजस्लाई वास्तवमै खाँचो थियो उनीहरुले मात्र पाए ।
त्यसैकारणले अहिले आमिरका फ्यानले उनको निकै नै तारिफ गरिरहेका छन् । उनले कोरोनाका कारण वास्तवमै समस्यामा परेकाहरुको राम्रोसँग सहयोग गरे ।
