२१ बैशाख २०७७, काठमाडौँ
विगत केही बर्षदेखि अमेरिकामा बस्दै आएका अभिनेता जीवन लुईटेल आजभोली सामाजिक सञ्जालमा खुबै सक्रिय हुन थालेका छन् । चलचित्र क्षेत्रबाट टाढिएसँगै उनी सामाजिक सञ्जालबाट पनि टाढिएका थिए ।
अहिले भने उनले आफ्नै युट्युब च्यानल समेत खोलेका छन् । जीवन अभिनयका अलवा लेखनमा पनि निकै रुचि राख्ने गर्छन् । जसका कारण उनले बेला बेलामा कविता पनि लेख्ने गरेका छन् ।
अहिले पनि उनी युट्युबमार्फत कविता बाचन गरेका छन् ।
उनले ‘बैशाखी’ उपनाम राखेर लामो समय अघि बिराटनगरमा कविता भन्ने गरेकोमा सोही उपनाम लिएर अगाडी बढेका छन् । लामो समय देखि फिल्म जगत र नेपालबाट टाढा रहेका उनले अझै पनि आफुलाई फिल्म क्षेत्रमा नै काम गर्ने भनेर चिनाउन रुचाउछन् । उनले आफ्नो कविताको साथ उक्त भिडियोमा प्रकाश सायमी र राजबल्लभ कोइरालाको कविता समेत बाचन गरेका छन् । उनले यो कविता हिन्दी फिल्म मोहबते हेरेर आएको रात लेखेको बताएका छन् ।
