हाल सलमानसँग रहेकी ज्याकलिनले भनिन्, ‘सलमान हरेक दिनको लागि आभारी छन्’

२१ बैशाख २०७७, काठमाडौँ

लकडाउनका कारण सलमान खान यतिबेला आफ्नो पनवेल फार्म हाउसमा रहेका छन् । उनीसँगै नायिका ज्याकलिन फर्नान्डेज पनि पनवेल हाउसमै छिन् । लकडाउन देखि नै सलमान र ज्याकलिन सँगै छन् ।

उनीहरुले आफू एकसाथ रहेको कुरा लुकाउन चाहेका थिए । तर अहिले भने दुवैले सामाजिक सञ्जालमा एकअर्काको तस्बिर साझेदार गर्दै फ्यानलाई एकसाथ रहेको जानकारी दिएका छन् ।

यस्तै केहीदिन अघिमात्र सामाजिक सञ्जालमा ज्याकलिनले सलमानको जीम गरिरहेको तस्बिर सेयर गरेकी छिन् । उनले क्याप्सनमा लेखेकी छिन्, ‘यो उपहार हो या मिहिनतेको फल । मलाई लाग्छ कि, सलमान हरेक दिनका लागि आभारी छन् । भगवानले आज उनलाई जुन स्थान दिएका छन् यसलाई उनी निकै नै इज्जत गर्छन् । सलमान खान फ्यानका लागि अझै थुप्रै सरप्राइजहरुले लिएर आउँदैछन् । तपाइहरु सुरक्षित रहनुहोला ।’