रामकृष्ण ढकालले गाएको गीत पहिलो पटक करोड क्लबमा

२१ बैशाख २०७७, काठमाडौँ

रामकृष्ण ढकाल नेपाली सांगितीक जगतको लोकप्रिय नाम हो । उनले गाउन थालेको बर्षौ बितिसकेको छ । रामकृष्ण ढकालले थुप्रै सुपरहिट गीतहरु गाएका छन् । तर उनका गीतहरु अहिलेसम्म करोड क्लबमा भने पुग्न सकेका थिएनन् ।

हुन त गीत हिट हुनलाई करोड क्लबमा पुग्नु पर्छ भन्ने छैन । करोड क्लबमा नपुगेपनि रामकृष्ण ढकालका गीत करोड क्लबमा पुगेको भन्दै निकै नै हिट छन् । तरपनि आजभोली भ्युज हेर्ने जमाना छ ।

तर पहिलो पटक रामकृष्ण ढकालले गाएको गीत करोड क्लबमा पुगेको छ । चलचित्र हिजो आजका कुरा मा समावेश माया जधौँ बोलको गीत करोड क्लबमा पुग्न सफल भएको छ । यो गीतलाई छोटो समयमा नै दर्शकले अत्याधिक माया दिए । जसकारण गीत अहिले करोड क्लबमा सामेल भएको छ ।

आनन्द अधिकारीको शब्द र दिपक शर्माको संगीत रहेको गीतमा रामकृष्ण ढकाल र मेलिना राईको आवाज रहेको छ । गीतलाई कविराज गहतराजले कोरियोग्राफी गरेका हुन् ।