२२ वैशाख २०७७, काठमाडौं
अमेरिकाका दुवै सदनले सरकारको तर्फबाट गरिएको सांसदहरुका लागि कोभिड १९ (कोरोना भाइरस)का परीक्षण गर्न एक हजार र्यापिड टेस्ट् किटको व्यवस्था गर्ने सम्बन्धी प्रस्ताव अस्वीकार गरेका छन् ।
तल्लो सदनकी सभामुख न्यान्सी पेलोसी तथा माथिल्लो सदनका नेता रिपब्लिकन सिनेटर मिच म्याकनलले संयुक्त वक्तव्य जारी गरेर सरकारको प्रस्ताव अस्वीकार गरेका हुन् ।
उनीहरुले परीक्षणको व्यवस्था गर्नेसम्बन्धी सरकारको प्रस्तावका लागि धन्यवाद दिँदै परीक्षण सामग्रीहरु अत्यावश्यक रहेका क्षेत्रमा पठाउनु पर्ने बताए अन्तर्राष्ट्रिय समाचार संस्थाहरुले जनाएका छन् ।
राष्ट्रपति डोनल्ड ट्रम्प सदनको यो निर्णयबाट खुशी भएका छैनन् । उनले ट्वीट गरेर परीक्षणको प्रस्ताव अस्वीकार गर्नुमा राजनीतिक बाहेक अरु कारण नरहेको आरोप लगाएका छन् । एजेन्सीको सहयोगमा–
|फाइल तस्वीर|
