बाबुराम भट्टराईको सुझाव, ‘बजेटको मोडालिटी नै परिवर्तन गरौं’

२२ वैशाख २०७७, काठमाडौं

पूर्वप्रधानमन्त्री तथा जनता समाजवादी पार्टीका नेता डा. बाबुराम भट्टराईले सांसद विकास कोषले सांसदहरुको बेइज्जत भइरहेको भन्दै यो कार्यक्रम परिमार्जन गर्न सुझाव दिएका छन् ।

अर्थ समितिको सोमबार बसेको बैठकमा पूर्वअर्थमन्त्रीसमेत रहेका डा. भट्टराईले यस्तो सुझाव दिएका हुन् । उनले अब बजेटमै प्रत्यक्ष निर्वार्चित सांसदको नेतृत्वमा आयोजना छनोट गरी निर्वाचन क्षेत्रका नाममा बजेट राख्न सुझाव दिए ।

सांसदको नेतृत्वमा सबै सरोकारवालाको समन्वयमा बजेट अगाडि नै कार्यक्रम, आयोजना छनोट गरी ती कार्यक्रमका लागि बजेट राख्ने हो भने विवाद नहुने उनले बताए ।

यो बजेटको मोडालिटी नै परिवर्तन गर्नुपर्ने भट्टराईको सुझाव छ ।

|फाइल तस्वीर|