अमेरिकन चलचित्रमा स्वस्तिमासँगै केकी पनि फाइनल, दिदिबहिनीको भूमिकामा देखिदैँ

२४ बैशाख २०७७, काठमाडौँ

नायिका स्वस्तिमा खड्काले छोटो समयमा नै नेपाली चलचित्र क्षेत्रमा आफ्नो बलियो स्थान बनाउन सफल भएकी छिन् । अहिले उनको हातमा एकपछि अर्को चलचित्र छ । चलचित्रमा डिमाण्ड बढेसँगै उनको पारिश्रमिक पनि बढ्दै गएको छ ।

स्वस्तिमा अब नेपाली मात्र नभएर अमेरिकन चलचित्रमा पनि देखिने भएकी छिन् । केहीसमय अघि नेपाल आएको अमेरिकन चलचित्र टोलीले अडिसनमार्फत स्वस्तिमालाई फाइनल गरेको थियो ।

उक्त चलचित्रमा स्वस्तिमासँगै अर्की नायिका पनि फाइनल भएकी थिइन् । ती नायिका अरु कोही नभएर केकी अधिकारी हुन् । स्वस्तिमासँगै केकी पनि अडिसन मार्फत नै चलचित्रमा छनौट भएकी हुन् ।

प्राप्त जानकारी अनुसार चलचित्रमा स्वस्तिमा र केकी दिदिबहिनीको भूमिकामा देखिदैँछन् । चलचित्रमा अन्य कलाकार भने अमेरिकन नै रहनेछन् । चलचित्रको सम्पूर्ण छायांकन भने अमेरिकामा नै हुने बताइएको छ ।