२५ वैशाख २०७७, काठमाडौं
सत्तारुढ नेपाल कम्युनिष्ट पार्टी (नेकपा) का २० स्थायी कमिटी सदस्यले छुट्टै बैठक गरेका छन् ।
उनीहरुले पार्टी नेतृत्वलाई एजेण्डा सुझाएका छन् । बिहीबार (आज) नेकपा स्थायी कमिटी बैठक तय भएको थियो । तर एजेण्डा नभएको लगायतका कारण देखाएर अन्तिम समयमा आएर स्थगित भयो ।
लिखित रुपमै बैठक माग गर्ने २० स्थायी कमिटी सदस्य भने (आज) धुम्बाराही पुगेर छलफल गरेका छन् । ‘सचिवालयले एजेण्डा तय गर्न सकेन । त्यसैले एजेण्डा दिन हामीले छलफल गरेका हौं ।” स्थायी कमिटी सदस्य हरिबोल गजुरेलले भने ।
उनकाअनुसार पार्टी र सरकारको काम, कोरोना संकट, पार्टी एकताका बाँकी काम, विदेशमा रहेका नेपालीहरुको समस्या र उद्दार लगायतका एजेण्डामा छलफल गर्न तत्काल स्थायी कमिटी बैठक बोलाउनुपर्ने नेताहरुको माग छ ।
|फाइल तस्वीर|
