पहिलो फिल्मबाटै निकालिएका थिए सैफ, यस्तो रहेछ निकालिनुको कारण

२६ बैशाख २०७७, काठमाडौँ

सैफ अली खान बलिउडका निकै चर्चित अभिनेता हुन् । सैफ अली खान बलिउडमा आएको लगभग २५ बर्ष पुगिसकेको छ । २५ बर्षको अन्तरालमा उनले निकै सुपरहिट फिल्महरु दिएका छन् ।

कमैलाई थाहा होला तर सैफ पहिलो चलचित्रबाट नै निकालिएका थिए । अभिनेता सैफ अली खानले फिल्म ‘बेखुदी’ बाट बलिउडमा डेब्यु गर्नेवाला थिए । तर, उनलाई निर्देशकले फिल्मबाट निकालिदिएका थिए ।

यो घटना सैफले हालै एक अन्तर्वार्ताका क्रमाना खुलासा गरेका थिए । त्यतिबेला सैफ डराएका थिए । उक्त फिल्ममा रिजेक्ट भएपछि सैफले यश चोपडाको फिल्म ‘परम्परा’ बाट डेब्यु गरे । जुन फिल्म सन् १९९३ मा रिलिज भएको थियो ।

बेखुदी मा एक गीतको सिनमा सैफ रुनु पर्ने थियो । रुने बित्तिकै उनले आफ्नो एक्सप्रेसन पनि परिवर्तन गर्नुपर्ने थियो । जुन सजिलो थिएन । त्यसबेला सैफ स्वयमलाई आफ्नो अभिनय निकै नराम्रो लागिरहेको थियो । निर्देशकले सैफले चलचित्रका लागि त्यति मन नलगाएको अनुमान लगाए र उनलाई चलचित्रबाट नै निकालिदिए । अहिले यो कुरा सम्झदाँ सैफले आफूलाई हाँसो लाग्ने बताएका छन् ।