२६ वैशाख २०७७, काठमाडौं
बजेट अधिवेशन शुरु हुनुअघि हिजो थ्रोट स्वाब संकलन गरि परीक्षण गरिएका सांसदसहित संघीय संसद सचिवालयका सबै कर्मचारीको कोरोना परीक्षण रिपोर्ट नेगेटिभ आएको छ ।
प्रतिनिधिसभाका १७९ सदस्य, ३३ जना राष्ट्रिय सभाका सदस्य र २२९ कर्मचारी तथा मर्यादापालक गरी ४ सय ४१ जनाकै रिपोर्ट नेगेटिभ आएको स्वास्थ्य तथा जनासंख्या मन्त्रालय स्रोतले जनायो ।
यसबारे नियमित पत्रकार सम्मेलनमा जानकारी गराइने बताइएको छ । संसद बैठक अघि कोरोना भाइरस भए नभएकोबारे पीसीआर विधिबाट परिक्षण गर्ने कार्य व्यबस्था समितिको निर्णयअनुसार हिजो उनीहरुको थ्रोट स्वाब संकलन गरिएको थियो ।
|तस्वीरमा स्वाब संकलन। श्रोतः|
