निर्माता सुनिल रावलले लकडाउनलाई विषयवस्तु बनाउँदै ‘लकडाउन’ नामक चलचित्र बनाउने

२६ बैशाख २०७७, काठमाडौँ

चर्चित निर्माता सुनिल रावलले लकडाउनको विषयलाई समेटेर चलचित्र लकडाउन बनाउने भएका छन् ।

कोरोनाका कारण भएको लकडाउनलाई नै विषयवस्तु बनाउँदै चलचित्र बनाइने बताइएको छ । सुनिलले चलचित्रका लागि केही कलाकारसँग कुरा समेत भैसकेको बताएका छन् ।

चलचित्रको धेरै छायांकन नेपाल हुने र केही प्रतिशत छायांकन अमेरिकामा हुने बताएका छन् ।

यस अघि ‘सायद’, ‘होस्टेल’, ‘होस्टेल रिटर्न्स’ र ‘सायद २’ निर्माण गरेका सुनिलको फिल्म ‘लाउरे’ को काम अड्किरहेको छ । ‘लाउरे’ को काम अधुरै छोडेर उनि अमेरिका गएका थिए । यतिबेला रावल परिवार संगअमेरिकामै रहेका छन् ।