राधाकृष्ण मन्दिरमा मनाइन् सुहानाले जन्मदिन, ७५ गाईलाई खुवाइन् खाना

२७ बैशाख २०७७, काठमाडौँ

हिजो नायिका सुहाना थापाले आफ्नो जन्मदिन मनाइन् । लकडाउनकै समय भएपनि सुहानाले आफ्नो जन्मदिन विशेष तरिकाले मनाउन पाइन् । कृष्णभक्त सुहानाले आफ्नो जन्मदिन बुढानिलकण्डस्थित राधेकृष्ण मन्दिरमा गएर मनाइन् ।

उनी मन्दिरमा आफ्नो आमाबुबासँग पुगेकी थिइन् । उनले त्यहाँ रहेका ७५ गाईलाई भोजन पनि खुवाइन् । सुहानाको जन्मदिन भएकाले मन्दिरमा नै रहने माताहरुले उनको लागि बर्थडे केक समेत बनाएका थिए । सुहानाले बर्थडे केक पनि काटिन् ।

आफ्नो जन्मदिन मन्दिरमा गएर मनाउन पाएकोमा निकै नै खुसी लागेको सुहानाले बताइन् ।