युट्युबमा धेरै खोजिने महिला कलाकारको सुचीमा भारतीय गायिका नेहा कक्कर दोस्रो स्थानमा

२७ बैशाख २०७७, काठमाडौँ

नेहा कक्कर निकै नै चर्चित भारतीय गायिका हुन् । उनका अधिकांश गीतहरु सफल रहेका छन् । पछिल्लो समयमा बलिउडमा उनको डिमाण्ड बढ्दो छ । जसका कारण नेहालाई रुचाउने दर्शक पनि करौडमा रहेका छन् ।

उनै गायिका नेहा कक्कर २०१९ मा युट्युबमा सबैभन्दा धेरै खोजिएकी गायिकाको दोस्रो स्थानमा पर्न सफल भएकी छिन् । नेहाले यो कुराको जानकारी आफ्नो आधिकारीक इन्ष्टाग्राम मार्फत दिएकी छिन् ।

साथै उनले आफ्ना प्रशंसकलाई धन्यवाद समेत दिन भ्याएकी छिन् । सर्वेक्षण अनुसार कार्डी बीलाई कुल ४ दशमलव ८ बिलियन दर्शकले युट्युबमा खोजेका छन् भने नेहालाई ४ दशमलव ५ बिलियन दर्शकले खोजेका छन् ।

त्यसका अलवा टप १० को सुचीम भारतबाट नेहा कक्करको मात्र नाम सामेल भएको छ ।