बर्षौपछि चलचित्रमा एकसाथ देखिदैँ सलमान र शाहरुख !

२७ बैशाख २०७७, काठमाडौँ

शाहरुख खान र सलमान खान दुवै बलिउडका निकै दमदार अभिनेता हुन् । यी दुईलाई बलिउडमा एकअर्काका प्रतिस्पर्धीको रुपमा हेर्ने गरिन्छ । हुन पनि चलचित्र हिट र फ्लपको मामिलामा यी दुई कहिले को अघि त कहिले कोही पछि हुने गरेका छन् ।

तर यी दुईले भने सधैँ आफूहरुलाई एकअर्काको मिल्ने साथी भएको बताउँदै आएका छन् । सलमान र शाहरुखले कुनै समयमा केही चलचित्रमा एकसाथ काम गरेका थिए । यी दुईलाई पुनः पर्दामा एकसाथ हेर्ने दर्शकको ठूलो चाहना रहेको छ ।

अब दर्शकको चाहना पुरा हुने सम्भावना देखिएको छ । निर्देशक राजकुमार हिरानीले आफ्नो नयाँ चलचित्रमा यी दुईलाई कास्ट गर्ने सोचेका छन् । राजकुमारले दुवैलाई चलचित्र अफर पनि गरिसकेका छन् । शाहरुखले चलचित्रलाई लिएर सकरात्मक प्रतिक्रिया दिएका छन् भने सलमान हाल सोचिरहेका छन् । यदि सलमानले मानेको खण्डमा दर्शकले यी दुईको जोडीलाई पर्दामा देख्न पाउनेछन् ।