२८ वैशाख २०७७, काठमाडौं
भारतीय प्रधानमन्त्री नेरन्द्र मोदीको पुत्ला काठमाडौं जलाइएको छ ।
नेपाली भूमि लिपुलेक हुँदै तिब्बतको मानसरोवरसम्म जोड्ने सडक एकतर्फी रुपमा निर्माण गरेपछि यतिबेला भारतको कदमविरुद्ध विभिन्न प्रदर्शनहरु भइरहेको छ ।
यसैबीच लिपुलेकमा नेपाली भूमिमाथि भारतले कब्जा गरेको भन्दै आइतबार (आज) साँझ मोदीको पुत्ला दहन गरिएको हो । काठमाडौंको कलंकीमा जनता दरवार नामक भ्रष्टाचार विरोधी अभियानले मोदीको पुत्ला जलाएको हो ।
प्रदर्शन क्रममा ‘गो ब्याक इन्डिया’लगायतका प्लेकार्डहरु पनि बोकिएको थियो ।
