निर्मला हत्याकाण्डको विषयमा बनेको चलचित्र ‘कोपिला’ हलमा रिलिज नभई डिसहोममा आउँदै

२९ बैशाख २०७७, काठमाडौँ

निर्मला हत्याकाण्डको विषयमा आधारित चलचित्र कोपिला हलमा रिलिज नभई डिसहोममा रिलिज हुने भएको छ ।

फिल्म बैशाख ३० गते बाट डिसहोम च्यानल नम्बर १०८ मार्फत ८ शो हेर्न पाउने भएका हुन् । फिल्मलाई हलमा लगाउनु अगावै डिसहोमबाट प्रदर्शन गर्न लागिएको हो ।

शिवम् अधिकारीको लेखन तथा निर्देशनमा बनेको फिल्ममा सरिता गिरी, गणेश गिरी र सन्जिवनी खरेलसंगै प्रकृती खरेल, ऋद्धिचरण श्रेष्ठ, विमल पौडेल, पुष्प आचार्य, सुशान्त श्रेष्ठ, अस्मिन घिमिरे, अस्मिता जुरेली, प्रतिक्षा खड्का, राखी क्षेत्री लगायतको अभिनय रहेको छ ।

हलमा रिलिज गर्ने तयारी भैरहदाँ कोरोनाका कारण लकडाउन भयो । जसका कारण कोपिला रिलिज पनि हुन पाएन । कोपिला को टिजरलाई भने दर्शकले निकै रुचाएका थिए ।