आफूलाई अगाडी बढाउन निरन्तर भोट गरिदिन दिवेशले गरे आग्रह, यसरी गर्न सकिन्छ भोट

२९ बैशाख २०७७, काठमाडौँ

नेपालका छोरा दिवेश पोखरेल अर्थात अर्थर गन अमेरिकन आइडल को उत्कृष्ट ७ मा पुग्न सफल भएका छन् । उनले अडिसनदेखि नै जज र दर्शकको मन जित्दै आएका छन् ।

दिवेशलाई टप ५ प्रतिस्पर्धीको रुपमा हेरिएको छ । दिवेशले आफूलाई भोट गरेर यहाँसम्म आउन साथ दिने सम्पूर्ण दर्शकलाई धन्यवाद दिएका छन् । साथै उनले आफू अगाडी बढाउन निरन्तर भोट गरिरहन पनि आग्रह गरेका छन् ।

फिनालेमा दिवेसलाई पुर्याउनका लागि भोटिङ लाइन खुल्ला गरिएको छ । दिवेशलाई भोट गर्नका लागि १६ लेखेर २१५२३ मा मेसेज पठाउन सकिनेछ अथवा  अमेरिकन आइडलको अफिसियल साइटमा गएर  भोट गर्न सकिनेछ अथवा अमेरिकन आइडलको एपमार्फत् भोट गर्न सकिनेछ ।