लकडाउनमा पार्टी गरेको भिडियो भाइरल भएर आलोचित भएपछि दिपकले दिए यस्तो स्पष्टिकरण

३१ बैशाख २०७७, काठमाडौँ

हालै सामाजिक सञ्जालमा एक भिडियो भाइरल भयो । जहाँ केही सेलिब्रेटीहरुले पार्टी गरेको देखिन्छ । उक्त भिडियो भाइरल भएपछि भिडियोमा देखिएका सेलिब्रेटीको नराम्रोसँग आलोचना भैरहेको छ ।

भिडियोमा दीपकराज गिरी, दीपाश्री निरौला, पुजा शर्मा, किरण केसी, अनुराग कुँबर, निकिता पौडेल, संचारकर्मी रवि लामिछाने, उत्सव रसाइलीलगायतले भने एकठाउँमा भेला भएर पार्टी गरेका छन् ।

धेरै आलोचित भएपछि दिपकराज गिरीले यसबारे स्पष्टिकरण दिएका छन् । उनले त्यस्तो विशेष पार्टी गर्ने आयोजनाले त्यहाँ पार्टी नभएको बताए । उनले राहत वितरण गरेर सबैजना निकै भोकाएकाले अनुराग कुँवरको घरमा सामान्य खाजा मात्र बनाएर खाएको बताएका छन् ।

फेसबुमा लामो स्टाटस लेख्दै दिपकले सम्पूर्ण घटनाबारे बताएका छन् ।

दिपकको स्टाटस जस्ताको तस्तै

आज म लेख्दैछू …
लगभग १०,१२ दिन राहत बॉड्न हिडियो होला त्यो फोटो कसैले छापेन, राहत बॉढेपछि बसेर खाना खाएको र हामिले नै खिचेर हालेको फोटो लाइ आधार बनाएर मसलायुक्त समाचार छापियो त्यस्को लागि धन्यबाद छ , केहि फ़िल्मी पत्रकार साथिहरूलाइ!!!
समाचारै लेख्दा अलि बुझेर लेख्या भए समाचार रमाइलो हुदैनथ्यो तपाइहरूको पिडा पनि बुझ्छू म ….
शनिवार भोज गरे भनेर लेखेका छन् साथिहरूले
जबकि त्यों फोटो सोमबारको हो
तपाइहरूको स्क्रिप्ट यहि बाट चिप्लिन सुरू भो
तपाइहरूले लेख्नु भएको स्क्रिप्ट मा केहि सत्य कुरा नि हालौ है त?
कुरा हो सोमबारको
जति बेला काठमान्डौमा लकडाउन केहि खुकुलो भएको थियो सडकमा मज्जाले गाडिहरू गुड्न थालेका थिए अनि हामि चलचित्रकर्मीहरू अनुरागजीले बितरण गरेको एक राहत कार्यक्रम मा सहभागी भयौ
दिनभर भोकाएका थियौ, पसलहरू बन्द थिए अत
अनुरागजी कॉहा नै खाना खान गर्यौ रबिजी लाइ मैले कल गरे उहॉ आउनु भयो सामान्य भोजन गर्यौ, न कुनै तडक भडक गर्यौ
न त्यो कुनै पार्टी नै थियो..
जहां सम्म रबी लामिछाने जी को कुरा छ , उहॉ लाखौ नेपालीहरूको आशाको केन्द्र हो , अत: उहॉ माथिको प्रहार गलत छ र त्यो आरोप मा एक रत्ती सत्यता पनि छैन
त्यो दिन पनि मैले कल गर्दा उहॉ आउन चाहनु भएको थिएन,
एक त धेरै लामो समय देखि हामि भेटेका थिएनौ
मैले नै उहॉलाइ यो परिस्थितिमा एक अर्का संग कसरी हातेमालो गरेर अघि बढ्न सकिन्छ छलफल पनि गरौ ,लकडाउन पनि अब खुकुलो हुने क्रममा छ भनेपछि उहॉ आउनु भयो , सामान्य खाना खायौ.. थुप्रै राम्रा योजनाको बारेमा छलफल पनि गर्यौ
त्यहि वेला ३४ जना नयॉ संक्रमित थपिएको समाचार आयो, रबिजीले नै भन्नु भयो “ ओहो अबस्था फेरीयो अब छुट्टिनु पर्छ अब हामि भिडियो च्याट मैं कुरा गरौला “उहॉ निस्कनु भयो
हामि पनि घर आयौ….मसला नभएको कथा चाहि यहि हो !!!
तैपनि हामि बाट एउटा गल्ति चाहि भयो
सडकमा खाना बॉडेको फोटो त फेसबुकमा हाल्नु हुदैन भन्ने हेक्का थियो तर साथिहरूले सामान्य खाना खाएको फोटो भने हाल्न पुग्यौ .. “लखर लखर हिडेर मदिरा पार्टी गरेर ,नॉचगान गरेर उच्छृंखलता प्रस्तुत गरेको अबस्था पनि होइन , राम्रो काम गरेर आएर खाना खाएको फोटो मात्रै हो ….. ब्याख्या आ आफ्नै ढंगले गर्न सबैलाइ छुट छ ….. जय नेपाल!!!