०२ जेष्ठ २०७७, काठमाडौं
अन्तर्राष्ट्रिय ओलम्पिक कमिटी (आईओसी)ले टोकियो सन् २०२० ओलम्पिक स्थगित हुँदा परेको गम्भीर असरलाई सहयोग र्पुयाउन ८०० मिलियन अमेरिकी डलर आर्थिक सहयोग छुट्याको छ ।
कोभिड–१९ महामारीका कारण टोकियो ओलम्पिक स्थगित भएको छ । आईओसीको सहयोग अन्तर्गत ६५० मिलियन डलर आयोजक जापानले पाउनेछ ।
यस्तै अरु १५० मिलियन डलर विभिन्न अन्तर्राष्ट्रिय खेल महासंघ र राष्ट्रिय ओलम्पिक कमिटीलाई नगद प्रवाह समस्यामा लोनमा दिने उल्लेख छ ।
आइओसीका अध्यक्ष थोमस बाकले कोभिड–१९ भ्याक्सिन नभेटिए अर्को वर्ष हुने ओलम्पिक पनि अनिश्चित भएको बताए । यसै वर्ष हुने तय भएको टोकियो ओलम्पिक २०२१ जुलाई २३ देखि अगष्ट ८ सम्म हुने गरी सरेको छ ।
|फाइल तस्वीर|
