०४ जेठ २०७७, काठमाडौँ
अमेरिकाको चर्चित रियालिटी शो अमेरिकन आइडल मा यसपटक नेपालमा छोरा दिवेश पोखरेल पनि सहभागी भएका थिए । अडिसनबाट नै दर्शकको मन जित्दै आएका दिवेश अमेरिकन आइडल को विभिन्न राउण्डहरु पार गर्दै दिवेश फिनालेमा पुग्न सफल भएका छन् ।
अमेरिकन आइडलको ग्राण्ड फिनाले आइबार साँझ ७ बजे अर्थात नेपाली समय अनुसार भोली बिहान हुनेछ । दिवेशका फ्यानहरु उनलाई लिएर निकै नै उत्साहित छन् ।
आइतबारको फाइनल सुरु हुनासाथ ७ प्रतिस्पर्धीमध्ये २ जना बाहिरिनेछन् र बाँकी रहेका गायक–गायिकाले दुई वटा गीत प्रस्तुत गर्नेछन् ।
प्राप्त जानकारी अनुसार अनलाईन सर्वेक्षण अनुसार दिवेश भोटमा सबैभन्दा अगाडी रहेका छन् । उनले आफ्नो जादुमय आवाजले विश्वभरका फ्यानको मन जितेका छन् । जसका कारण विश्वव्यापी रुपमा नै उनलाई सर्वाधिक भोट आइरहेको बताइएको छ ।
धेरै अनलाईन सर्वेक्षणले दिवेश उत्कृष्ट पाँचभित्र पर्ने र सम्भवत उनले नै आइडल जित्ने अनुमान समेत लगाएका छन् ।
