०५ जेठ २०७७, काठमाडौँ
कलाकारसँगै सामाजिक अभियान्ताको रुपमा पनि परिचित सिताराम कट्टेल (धुर्मुस) र कुञ्जना घिमिरे (सुन्तली) ले लकडाउनको समयमा सामाजिक सञ्जालमा विभिन्न सन्देशमूलक भिडियोहरु सार्वजनिक गरिरहेका हुन्छन् ।
यसैबिच हालैमात्र पनि धुर्मुस र सुन्तलीले एक भिडियो सेयर गरेका छन् । जहाँ हाल भैरहेको भारतले नेपालको सिमाना मिचेको घटनालाई राम्रोसँग प्रस्तुत गरिएको छ ।
उनीहरुले लिपुलेक र नालापानी हाम्रै हो भन्दै एक नयाँ भिडियो सार्वजनिक गरेका छन् । सार्वजनिक भिडियोमा छिमेकीले जग्गा मिचेर बाटो बनाएको तर नेपालका नेताहरुले कुनै पनि कदम चाल्न नसकेको कुरालाई उल्लेख गरिएको छ ।
