१४ जेठ २०७७, काठमाडौं
विश्वव्यापी महामारीको रुपमा फैलिएको कोरोना भाइरसको तीव्र संक्रमण अमेरिकामा छ ।
वर्ल्डोमिटर्सका अनुसार अमेरिकामा पछिल्लो २४ घण्टामा ७ सय ३५ जनाले ज्यान गुमाएसँगै मृत्यु हुनेको संख्या १ लाख ५ सय ४० बढी पुगेको छ ।
एकैदिन १८ हजार ९ सय ५२ जना बढीमा संक्रमण देखिएसँगै संक्रमित हुनेको संख्या १७ लाख २५ हजार १ सय ७८ बढी पुगेको छ । संक्रमितमध्ये १७ हजार १ सय ५२ जनाको अवस्था गम्भीर रहेको छ भने ४ लाख ७८ हजार २ सय २५ जना संक्रमित उपचारपछि निको भएका छन् ।
