२१ जेठ २०७७, काठमाडौं
विश्वव्यापी महामारीको रुपमा फैलिएको कोरोना भाइरसको तीव्र संक्रमण अमेरिकामा छ ।
वर्ल्डोमिटर्सका अनुसार अमेरिकामा पछिल्लो २४ घण्टामा थप १ हजार १ सय २३ जनाले ज्यान गुमाएसँगै मृत्यु हुनेको संख्या १ लाख ८ हजार ४८ बढी पुगेको छ ।
एकैदिन २० हजार ८ सय ८ जना बढीमा संक्रमण देखिएसँगै संक्रमित हुनेको संख्या १८ लाख ८० हजार १ सय ३१ बढी पुगेको छ । संक्रमितमध्ये १७ हजार ९४ जनाको अवस्था गम्भीर रहेको छ भने ६ लाख २५ हजार २ सय ६५ जना संक्रमित उपचारपछि निको भएका छन् ।
