२४ जेठ २०७७, काठमाडौं
विश्वव्यापी महामारीको रुपमा फैलिएको कोरोनाको तीव्र संक्रमण ब्राजिलमा पनि छ । मृतकको तथ्यांक अनुसार ब्राजिल विश्वकै तेस्रो स्थानमा आइपुगेको छ ।
ब्राजिलमा पछिल्लो २४ घण्टामा १ हजार ४ सय ७३ जनाले ज्यान गुमाएसँगै मृत्यु हुनेको संख्या ३५ हजार ४७ बढी पुगेको छ ।अमेरिकामा पछिल्लो २४ घण्टामा ९ सय ७१ जनाको मृत्यु भएको छ ।
ब्राजिलमा संक्रमित हुनेको संख्या ६ लाख ४५ हजार बढी पुगेको छ । हालै मात्र लकडाउन खोलेको ब्राजिलमा दिनानुदिन मृतकको संख्या बढ्दै गैरहेकोमा हालसम्म गरिएको परीक्षण मध्ये ६० प्रतिशतमा कोरोना पोजेटिभ देखिनु अर्को ठूलो समस्या बनेको छ ।
