२६ जेठ २०७७, काठमाडौ
विश्वव्यापी महामारीको रुपमा फैलिएको कोरोना भाइरसको संक्रमण एसियाली मुलुकमा सबैभन्दा बढी भारतमा देखिएको छ ।
वर्ल्डोमिटर्सका अनुसार भारतमा पछिल्लो २४ घण्टामा २ सय ६१ जनाले ज्यान गुमाएसँगै मृत्यु हुनेको संख्या ७ हजार २ सय ७ नाघेको छ ।
एकैदिन १० हजार ८ सय ८४ जनाबढीमा संक्रमण देखिएसँगै संक्रमित हुनेको संख्या २ लाख ५७ हजार ५ सय ६ नाघेको छ । यसअघि हिजो १० हजार ४ सय ३८ जना बढीमा संक्रमण पुष्टि भएको थियो । संक्रमितमध्ये १ लाख २३ हजार ८ सय ४८ जना संक्रमित उपचारपछि निको भएका छन् ।
