३१ जेठ २०७७, काठमाडौँ
गतबर्षको चैत्र २८ देखि देशव्यापी रुपमा प्रदर्शनमा आउने भनिएको चलचित्र प्रेमगीत ३ अब यस बर्षको चैत्रमा प्रदर्शनमा आउने भएको छ । कोरोनाका कारण लकडाउन भएपछि प्रेमगीत ३ को प्रदर्शन रोकिएको थियो ।
अब दर्शकले आउने चैत्रमा प्रेमगीत ३ हेर्न पाउने निर्माता सन्तोष सेनले बताएका छन् । प्रेमगीत ३ निकै नै प्रतिक्षित चलचित्र हो । चलचित्रको २ गीत र टिजर रिलिज भैसकेको छ । जसलाई दर्शकले निकै नै रुचाएका थिए ।
प्रदीप खड्का, क्रिस्टिना गुरुङ, मनिष राउत, शिव श्रेष्ठ, सुनिल थापा, सन्तोष सेन, माओत्से गुरुङ, पुस्कर कार्की, प्रम पुरी, लक्ष्मी वर्देवा लगायतको अभिनय रहेको फिल्ममा सेन र छेतेन गुरुङको संयुक्त निर्देशन रहेको छ । आशुसेन फिल्मस् प्रोडक्सनको प्रस्तुति रहेको फिल्ममा कल्याण सिंह, एलिस कार्कीको संगीत, हिमाल केसीको द्धन्द्ध, कविराज गहतराजको नृत्य तथा बनिश शाह र भुपेन्द्र अधिकारीको सम्पादन छ ।
