लकडाउन खुकुलो भएपछि म्यूजिक भिडियोको काममा फर्किए पल

३१ जेठ २०७७, काठमाडौँ

लकडाउनका कारण लामो समयदेखि नेपाली सेलिब्रेटीहरुले काम गर्न पाएका छैनन् । केहीदिन यता भने सरकारले लकडाउनलाई केही खुकुलो बनाइदिएको छ । यसैबिच अभिनेता पल शाहले म्यूजिक भिडियोको काम पुनः सुरु गरेका छन् ।

आज उनको नयाँ म्यूजिक भिडियोको छायांकन भैरहेको छ । सरोज वली र मेलिना राईको आवाज रहेको ए है माया बोलको गीतमा पलसँगै रियासा दाहाल, सागर लम्साल र सुदिर श्रेष्ठको पनि अभिनय रहने बताइएको छ ।

गायक वलीले भने–‘हामीले सामाजिक दुरी कायम गरेर काम गरिरहेका छौ । अरू समयमा ३०(४० जनाको टिम भए पनि, अहिले हामीले ७ जनाको मात्र टिम राखेर काम गरिरहेका छौ । छायांकन पनि खेतमा भइरहेको छ ।’