०१ असार २०७७, काठमाडौं
विश्वव्यापी महामारीको रुपमा फैलिएको कोरोना भाइरसको तीव्र संक्रमण अमेरिकामा छ ।
अमेरिकामा पछिल्लो २४ घण्टामा थप ३ सय २६ जनाले ज्यान गुमाएसँगै मृत्यु हुनेको संख्या १ लाख १७ हजार ८ सय ५३ बढी पुगेको छ । सदाको तुलनामा आजको मृत्यु निकै कम हो ।
एकैदिन १९ हजार २ सय २३ जना बढीमा संक्रमण देखिएसँगै संक्रमित हुनेको संख्या २१ लाख ६१ हजार ४ सय ४७ बढी पुगेको छ । संक्रमितमध्ये १६ हजार ७ सय २ जनाको अवस्था गम्भीर रहेको छ भने ८ लाख ६७ हजार ६ सय २३ जना संक्रमित उपचारपछि निको भएका छन् ।
