०७ असार २०७७, काठमाडौं
विश्वव्यापी महामारीको रुपमा फैलिएको कोरोनाको तीव्र संक्रमण ब्राजिलमा पनि छ । तथ्यांक अनुसार ब्राजिलमा अमेरिकापछि सबैभन्दा बढी संक्रमण छ ।
ब्राजिलमा पछिल्लो २४ घण्टामा ९ सय ६८ जनाले ज्यान गुमाएसँगै मृत्यु हुनेको संख्या ५० हजार ५८ बढी पुगेको छ ।
एकैदिन ३१ हजार ५ सय ७१ जना बढीमा संक्रमण देखिएसँगै संक्रमित हुनेको संख्या १० लाख ७० हजार १ सय ३९ बढी पुगेको छ । संक्रमितमध्ये ५ लाख ४३ हजार १ सय ८६ जना संक्रमित उपचारपछि निको भएका छन् ।
