०७ असार २०७७, काठमाडौँ
अभिनेता सुशान्त सिंह राजपुतको निधनपछि अहिले बलिउडमा व्यापक रुपमा परिवारवादको बहस चलिरहेको छ । जसमा नायिका आलिया भट्ट सबैभन्दा नराम्रोसँग मुछिएकी छिन् ।
सुशान्तका धेरै फ्यानले सुशान्तको सुसाइडको कारण आलिया पनि भएको बताउँदै उनलाई इन्ष्टाग्राममा अनफलो गर्न थालेका छन् । झण्डै ५ करोड फलोअर्स आलिया थिए । उनले केहीदिनमै १५ लाख बढी फलोअर्स गुमाइसकेकी छिन् ।
४ करोड ८९ लाख फ्यान कमाएकी आलियालाई अहिले १५ लाखले अनफलो गरिसकेका छन् । अहिले उनको इन्स्टाग्राममा फलोअर्सको संख्या ४ करोड ७४ लाख छ । सुशान्त सिंह राजपुत बलिउडमा व्याप्त परिवारवादको कारण डिप्रेशनमा गएको र आत्महत्या गरेको भन्दै उनका फ्यानले करण जोहर, आलिया भट्टको चर्को आलोचना गरिरहेका छन् ।
