११ असार २०७७, काठमाडौँ
यस बर्षको दशैँमा चलचित्र ए मेरो हजुर ४ रिलिज हुने पक्का भएको थियो । तर लकडाउनको कारण करिब ४ महिनासम्म चलचित्रको काम रोकिएपछि अब दर्शकले दशैँमा ए मेरो हजुर ४ हेर्न नपाउने भएका छन् ।
हुन त दशैँसम्म त हलहरु खुल्ने सम्भावना नै निकै न्युन छ । हल खुलिहाले पनि धेरै दर्शकहरु हलसम्म पुगेर चलचित्र हेर्ने वातावरण तत्काल बन्दैन । त्यसैकारण नै टिमले ए मेरो हजुर ४ लाई आउने दशैँमा रिलिज नगर्ने घोषणा गरेको हो ।
झरना थापा निर्देशित यो चलचित्रमा सलोन बस्नेतको पनि मुख्य भूमिका छ । अनमोल केसीका कुनै पनि चलचित्र अहिलेसम्म दशैंको बिदामा रिलिज भएका छैनन् । यो पटक पनि उनले दशैंमा दर्शकमाझ पुग्ने अवसर गुमाएका छन् ।
