१२ असार २०७७, काठमाडौं
विश्वव्यापी महामारीको रुपमा फैलिएको कोरोना भाइरसको तीव्र संक्रमण अमेरिकामा छ ।
अमेरिकामा पछिल्लो २४ घण्टामा थप ५ सय ९५ जनाले ज्यान गुमाएसँगै मृत्यु हुनेको संख्या १ लाख २६ हजार ७ सय २६ बढी पुगेको छ ।
एकैदिन ३७ हजार ८ सय ९४ जना बढीमा संक्रमण देखिएसँगै संक्रमित हुनेको संख्या २५ लाख २ हजार २ सय ९८ बढी पुगेको छ । संक्रमितमध्ये १५ हजार ७ सय २९ जनाको अवस्था गम्भीर रहेको छ भने १० लाख ४८ हजार ४ सय ३६ जना संक्रमित उपचारपछि निको भएका छन् ।
यसैबीच, अमेरिकाको सेन्टर फर डिजिज कन्ट्रोल (सिडिसी) ले २ करोड बढी अमेरिकी कोरोनाद्वारा संक्रमित हुनसक्ने आशंका जनाएको छ ।
सिडिसीका निर्देशक डा. रोबर्ट रेडफिल्डले बिहिबार मिडियासँगको कुराकानीमा भने, ‘हाम्रो सबैभन्दा राम्रो अनुमान यो हो कि जब एकजना मात्रै कोरोनाका नयाँ संक्रमित देखिन्छ तब १० अन्य संक्रमित थपिन्छन् ।’
