अन्तवार्तामै आखाँभरि आँशु पार्दै टंकले सुनाए अशोकलाई पाल्दाको दुख…

१४ असार २०७७, काठमाडौँ

केहीसमय अघि अशोक दर्जीको प्रणाम बोलको गीत रिलिज भएको थियो । टंक बुढाथोकीको शब्द र संगीत रहेको प्रणाम बोलको गीतमा अशोकको आवाज रहेको छ । उक्त गीतले छोटो समयमा नै निकै नै चर्चा पायो ।

उक्त गीतमा अशोकको विगतलाई देखाइएको छ । एउटा सानो गाउँमा रहेका अशोकलाई आज टंक पुरा दुनियाँभर चिनाएका छन् । सडकमा गीत गाएर केही पैसा कमाउँथे अशोक ।

आज उनै अशोक ३ करोड नेपालीको मुटुको ढुकढुकी बनेका छन् । आज उनी जहाँ पुग्छन् त्यहाँ दर्शकको थामिनसक्नुको भिड हुन्छ । स्कुल कहिल्यै नदेखेका अशोक आज राम्रो स्कुलमा पढिरहेका छन् ।

अशोकलाई नयाँ जीवन अरु कसैले नभएर टंक बुढाथोकीले दिएका हुन् । उनले नै अशोकलाई आज यो ठाउँसम्म पुर्याए । अहिले अशोक टंकसँग नै बस्छन् । प्रणाम गीत हिट भएपछि टंकलाई धेरैले अशोकलाई नयाँ जीवन दिएकोमा धन्यवाद दिए ।

टंक अशोकको विगत सम्झेर अन्तवार्तामै निकै भावुक भए । किनकी टंकले कुनै समयमा दर्शकको गाली पनि खाएका थिए । धेरैले उनलाई अशोकलाई युज गरेर पैसा कमाउन खोजेको आरोप लगाएका थिए । तर आज अशोकले दर्शकको यतिधेरै माया पाउँदा आफूलाई निकै खुसी लागेको टंकले बताए । उनले अन्तवार्तामा अशोकलाई पाल्दा आफूले केही दुख पनि खेप्नुपरेको बताए ।