चकलेटी अभिनेता प्रदिप खड्का अभिनीत म्यूजिक भिडियो रिलिज (भिडियो)

१४ असार २०७७, काठमाडौँ

प्रदिप खड्का पछिल्लो समयका चर्चित अभिनेता हुन् । नेपाली चलचित्र जगतमा उनको डिमाण्ड निकै हाई छ । उनै प्रदिप आजभोली म्यूजिक भिडियोमा पनि देखिन थालेका छन् ।

उनले लकडाउनबिच नै एउटा म्यूजिक भिडियोमा काम गरेका थिए । अहिले फेरि उनी अभिनीत दोस्रो म्यूजिक भिडियो रिलिज भएको छ ।

उनै प्रदीपलाई दर्शकले अब एउटा भिडियोमा नयाँ लुक्समा देख्न पाउनेछन् । नितिन चन्दको निर्देशनमा तयार भएको ‘जय जय नेपाल’ नामक बोलको गीतमा प्रदीपको गेटअप फरक छ ।

सत्य–स्वरुपराज आचार्य, प्रताप दास र प्रविशा अधिकारीको स्वरमा समावेश यो भिडियोले राष्ट्रियताको भाव बोकेको छ । १ वर्षभन्दा लामो समयदेखि पर्दाबाट हराएका प्रदीपका फ्यानका लागि उनको यो भिडियो विशेष उपहार हुन सक्छ ।