१६ असार २०७७, काठमाडौँ
विश्वव्यापी महामारीको रुपमा फैलिएको कोरोना भाइरसको संक्रमण एसियाली मुलुकमा सबैभन्दा बढी भारतमा देखिएको छ भने विश्वमा कोरोना संक्रमित धेरै हुने देशको सूचीमा चौथो स्थानमा रहेको छ ।
पछिल्लो २४ घण्टामा ४ सय १७ जनाले ज्यान गुमाएसँगै मृत्यु हुनेको संख्या १६ हजार ९ सय ४ नाघेको छ ।
भारतमा एकैदिन १८ हजार ३ सय ३९ जनाबढीमा संक्रमण देखिएसँगै संक्रमित हुनेको संख्या ५ लाख ६७ हजार ५ सय ३६ पुगेको छ । संक्रमितमध्ये ३ लाख ३५ हजार २ सय ७२ जना संक्रमित उपचारपछि निको भएका छन् ।
