बलिउडकी चर्चित कोरियोग्राफर सरोज खानको निधन

२० असार २०७७, काठमाडौँ

बलिउडकी निकै चर्चित कोरियोग्राफर सरोज खानको निधन भएको छ । ७१ बर्षिया सरोजको हृदयघातका कारण निधन भएको भारतीय मिडियाले जनाएको छ ।

केहीदिन देखि सास फेर्न गाह्रो भएका कारण उनलाई मुम्बईको बान्द्रास्थित गुरु नानक अस्पतालमा भर्ना गरिएको थियो । उपचारका क्रममा उनको निधन भएको हो ।

सरोजले ९० का दशकका अधिकांश नायिकालाई नृत्य सिकाएकी छिन् । उनको निधनले बलिउडमा अर्को ठूलो झट्का लागेको छ । बलिउडकर्मीले उनलाई सामाजिक सञ्जालमार्फत श्रद्धाञ्जली दिइरहेका छन् ।