२० असार २०७७, काठमाडौँ
युवापुस्तामा निकै लोकप्रिय गायक दुर्गेश थापाले गतबर्ष तिजको अवसरमा निकालेको हामी पनि नाच्नु पर्छ बिच बिचमा बोलको गीतले बजार खुबै तताएको थियो । पोहोर सालको तिजमा बच्चादेखि वृद्धसम्मको मुखमा त्यहि गीत मात्र झुण्डिएको थियो ।
दर्शकको अपार माया र साथ पाएपछि दुर्गेशले बिच बिचमा २ पनि ल्याएका छन् । यसपटक कोरोनाको प्रभावका कारण पनि हिन्दु नारीहरुले तिज अन्य बर्ष झै रमाइलो गरी मनाउन भने पाउने छैनन् ।
दुर्गेशले आफ्नो गीतमार्फत सबैलाई सुरक्षित रहन समेत आग्रह गरेका छन् । दुर्गेशकै शब्द, संगीत र आवाज रहेको गीतलाई शिव विकले निर्देशन गरेका हुन् । गीतले दर्शकको राम्रो प्रतिक्रिया पाइरहेको छ ।
