संगीतकार अर्जुन पोखरेल र गायिका दुर्गा खरेल विवाह बन्धनमा बाँधिए

२० असार २०७७, काठमाडौँ

अर्जुन पोखरेल नेपाली सांगितीक जगतका निकै नै चर्चित संगीतकार हुन् । अझ पछिल्लो समयका त हरेक गीतमा उनकै संगीत भएको पाइन्छ । उनै संगीतकार अर्जुन पोखरेलले चर्चित गायिका दुर्गा खरेलसँग लगनगाठो कसेका छन् ।

उनीहरुले राजधानीको एक मन्दिरमा परिवार र नजिकका थोरै आफन्त मात्र बोलाएर विवाह गरेका हुन् । असारपछि एकैपटक लगन मंसिरमा मात्र भएकाले अर्जुन र दुर्गाले यस्तो कोरोनाको समयमा पनि विवाह गरेका हुन् ।

उनीहरुले माहोल सामान्य भएपछि फिल्मकर्मी र आफन्तको लागि पार्टी दिने योजना रहेको बताएका छन् । हाम्रो तर्फबाट पनि अर्जुन र दुर्गालाई वैवाहिक जीवनको शुभकामना ।